स्वर्गीय अच्युत प्रसाईँको स्मरणमा दीप प्रज्वलन
नेपालगन्ज १७ साउनः नेपालगन्जको व्यवसायिक आन्दोलनका अगुवा स्वर्गीय अच्युत प्रसाईलाई नेपालगन्जमा स्मरण गरिएको छ । प्रजातान्त्रिक उद्योगी व्यवसायी संघ बाँकेले स्वर्गीय प्रसाईंलाई प्रथम पून्यतिथिको दिन पारेर दीप प्रज्वलन गर्दै स्मरण गरेको हो ।
लामो समयदेखि निश्क्रिय रहेको नेपालगन्ज उद्योग वाणिज्य संघलाई पुनजागृत गर्ने आन्दोलनको नेतृत्व गरेका प्रसाईं नेपालगन्ज उद्योग वाणिज्य संघका दुई कार्यकाल पूर्व अध्यक्ष तथा नेपाल उद्योग बाणिज्य महासंघका पूर्व केन्द्रीय सदस्य रहेका थिए ।
प्रजातान्त्रिक उद्योगी व्यवसायी संघ बाँकेका अध्यक्ष संजय थापाको अध्यक्षतामा सम्पन्न दीप प्रज्वलन कार्यक्रममा नेपाली कांग्रेस बाँकेका उपसभापति गोपाल प्रसाद अधिकारी, नेपालगन्ज उद्योग वाणिज्य संघका पूर्व अध्यक्ष सतिस अग्रवाल, पूर्व महासचिव अशोक कर्माचार्य लगायतले बोलेका प्रसाईँको योगदानको चर्चा गरेका थिए।
सम्बोधनका क्रममा वक्ताहरूले स्वर्गीय प्रसाईंले नेपालगन्जलाई दिएको योगदान अतुलनिय रहेको बताएका थिए । वषौंदेखि साधारण सभा समेत हुन नसकेको उद्योग वाणिज्य संघलाई चलायमान गराउँदै नेपालगन्जको एउटा कुनामा थन्क्याइएको संघलाई चलायमान बनाउन र संघमा आम ब्यवसायीको पहँच पुर्याउने कार्यको आन्दोलनमा प्रसार्एँले नेतृत्व गरेका थिए । उनकै कार्यकालमा संघको नयाँ भवन र बिधान संशोधन गरि आम उद्योगी व्यवसायीलाई संघको सदस्यता हुने प्रेरित गरिएको थियो ।
Comment
0 Comments