६ दलले मात्र पाए राष्ट्रिय दलको मान्यता

नेपालगन्ज २६ फागुन : यही फागुन २१ गते सम्पन्न प्रतिनिधि सभा सदस्य निर्वाचनमा समानुपातिकतर्फ मङ्गलबार साँझसम्म एक करोड पाँच लाख ८३ हजार ३८७ मतगणना सम्पन्न भएको छ ।  

निर्वाचन आयोगको मतगणना अनुसार समानुपातिकतर्फ राष्ट्रिय स्वतन्त्र पार्टी पहिलो, नेपाली काँग्रेस दोस्रो, नेकपा (एमाले) तेस्रो, नेपाली कम्युनिस्ट पार्टी चौथो, श्रम संस्कृति पार्टी पाँचौं र राष्ट्रिय प्रजातन्त्र पार्टी छैठौं हुने निश्चित भएको छ ।     

राजनीतिक दल सम्बन्धी ऐन, २०७३ को दफा ५२ मा राष्ट्रिय दलको मान्यता सम्बन्धी व्यवस्था छ । 

निर्वाचन आयोगका सहसचिव एवम् प्रवक्ता नारायणप्रसाद भट्टराईका अनुसार सो व्यवस्था अनुसार प्रतिनिधि सभाको निर्वाचनमा समानुपातिक निर्वाचन प्रणालीतर्फ कम्तीमा तीन प्रतिशत मत र पहिलो हुने निर्वाचित हुने निर्वाचन प्रणालीतर्फ एक सिट प्राप्त गर्ने दलले मात्र राष्ट्रिय दलको मान्यता प्राप्त गर्नेछ ।

निर्वाचन आयोगको मतपरिणाम अनुसार एक करोड पाँच लाखभन्दा बढी मतगणना हुँदा समानुपातिकतर्फ राष्ट्रिय स्वतन्त्र पार्टी (रास्वपा) ले ५० लाखभन्दा बढी मत प्राप्त गरेको छ । 

नेपाली काँग्रेसले नेकपा (एमाले) ले, नेपाली कम्युनिस्ट पार्टी (नेकपा) ले, श्रम संस्कृति पार्टी र राष्ट्रिय प्रजातन्त्र पार्टीे मत प्राप्त गरेको छ । 

श्रम संस्कृति पार्टी र राष्ट्रिय प्रजातन्त्र पार्टी (राप्रपा) गरी ६ वटा दल राष्ट्रिय दल बनेका छन् । 

नेपाली काँग्रेसले १७ लाखभन्दा बढी मत प्राप्त गरेको छ । नेकपा (एमाले) ले १४ लाखभन्दा बढी मत प्राप्त गरेको छ । नेकपाले साढे सात लाखभन्दा बढी मत प्राप्त गरेको छ ।

श्रम संस्कृतिले साढे तीन लाखभन्दा बढी मत प्राप्त गरेको छ । यसैगरी, राप्रपाले तीन लाख २७ हजार मत प्राप्त गरेको छ । 

प्रतिनिधि सभा सदस्य समानुपातिक निर्वाचन निर्देशिका, २०७९ को परिच्छेद–५ मा ‘उम्मेदवारको छनोट प्रक्रिया’ अन्तर्गत दफा ३३ मा ‘सीटको बाँडफाँड गर्ने’ व्यवस्था छ । सो निर्देशिकाको दफा ३४ मा ‘मत परिणाम विभाजक शूत्र’ छ ।